У Беларусі ў расіяніна ў багажы знайшлі 120 кг жывых лобстараў

У Беларусі ў расіяніна ў багажы мытнікі знайшлі 120 кг жывых лобстараў. З такім незвычайным грузам мужчына прыляцеў у Мінск з Дубая. Пры гэтым у аэрапорце пайшоў праз "зялёны калідор", але яго спынілі для дадатковай праверкі. Падчас яе і знайшлі "5 скрынак з камерцыйнай партыяй лобстараў на 29 тысяч рублёў".

Для асабістага карыстання дазваляецца ўвозіць да 5 кг такіх тавараў і толькі пры наяўнасці ветэрынарнага сертыфіката. У грамадзяніна Расіі такіх дакументаў не было. Ён хацеў зарабіць, прадаўшы лобстараў, а ў выніку давядзецца заплаціць штраф — да 30% ад кошту тавару. А лобстараў перадалі ветэрынарнай службе.