У Беларусі палітвязнямі прызналі яшчэ 9 чалавек
Колькасць палітвязняў зноў павялічваецца / Еўрарадыё
У Беларусі палітвязнямі прызналі яшчэ 9 чалавек. Гэта — Дзяніс Андрошчык, Ганна Васілюк, Раман Парфёнаў, Мікалай Пратасевіч, Арцём Басалай, Валерый Раўкоўскі, Анастасія Ільніцкая, Аляксандр Пратасюк і Аляксей Мартынаў. Беларускія праваабаронцы лічаць іх справы палітычна матываванымі і патрабуюць вызвалення.
Вядома, што ўдзельнікам пратэстаў 2020-га выстаўленыя абвінавачванні, яны ўзятыя пад варту ці ім ужо вынесеныя прысуды па артыкуле "Групавыя дзеянні, якія груба парушаюць грамадскі парадак".
Агульная колькасць палітвязняў у РБ складае амаль 1300 чалавек (і гэта толькі прызнаныя палітычнымі зняволенымі праваабаронцамі).
