У Беларусі пераносіцца адкрыццё сезона палявання на дзічыну
Прычына — анамальная спёка. Як вядома, па ўсёй краіне забароненае наведванне лясоў. За парушэнне забароны пагражаюць штрафы.
Як інфармуе БелаПАН, з-за гарачага і сухога надвор'я ў шэрагу рэгіёнаў Беларусі абвешчаны чацвёрты ці пяты клас пажарнай небяспекі. Прэм'ер-міністр Міхаіл Мясніковіч даручыў міністэрству лясной гаспадаркі перанесці пачатак сезона палявання на дзічыну вадаплаўную і балотную, слонку, вехіра, голуба шызага, перапёлку, фазана на 23 жніўня.
Нагадаем, звычайна адкрыццё сезона адбывалася ў другую суботу жніўня.
