У Беларусі вырас узровень злачыннасці — МУС

У Беларусі ў 2022 годзе вырас узровень злачыннасці, піша @pozirkonline са спасылкай на даныя МУС. За год зафіксавалі 952 злачынствы на 100 тысяч насельніцтва. У 2021-м было 935 злачынстваў (1009 — у 2020-м, 932 — у 2019-м, 882 — у 2018-м). Атрымліваецца, што ўзровень злачыннасці вырас на 1,8%.

Сцвярджаецца, што прычынай стала павелічэнне выпадкаў махлярства ў дачыненні да пенсіянераў, якіх падманным шляхам прымушалі перадаць зламыснікам грошы.

У 2022-м зафіксавана менш злачынстваў у грамадскіх месцах і сельскай мясцовасці. Таксама знізілася колькасць учыненых там забойстваў, рабаванняў, фактаў наўмыснага прычынення цяжкіх цялесных пашкоджанняў.