У Беларусі яшчэ 7 чалавек прызнаныя палітвязнямі

У Беларусі яшчэ 7 чалавек прызнаныя палітвязнямі. Гэта Алег Дзегцярэнка, Аляксандр Марчанка, Наталля Гаўрон, Алена Тоцкая, Алёна Дземянчук, Алеся Сяргеенка і Юлія Краўцова. Беларускія праваабаронцы лічаць іх справы палітычна матываванымі і патрабуюць вызвалення.

Дзегцярэнка асуджаны ў закрытым судовым пасяджэнні да 8 гадоў 6 месяцаў паводле абвінавачвання ў "стварэнні экстрэмісцкага фармавання або ўдзеле ў ім" і "фінансаванні тэрарыстычнай дзейнасці". Марчанка ўзяты пад варту за "ўдзел у экстрэмісцкім фармаванні". Гаўрон, Тоцкая, Дземянчук, Сяргеенка і Краўцова ўзятыя пад варту па абвінавачванні ў "фінансаванні экстрэмісцкай дзейнасці".

У Беларусі на сённяшні дзень налічваецца 1406 палітвязняў.