У Брэсце затрымлівалі журналістаў Алеся Ляўчука і Мілану Харытонаву

25 сакавіка ў Брэсце былі затрыманыя журналісты Алесь Ляўчук і Мілана Харытонава. Іх завезлі ў міліцыю складаць пратакол за працу без акрэдытацыі. Гэта артыкул 23.5 КаАП ("Парушэнне заканадаўства аб сродках масавай інфармацыі"), паведамляе прэс-служба БАЖ.

"Выйшлі ў краму, блін", — напісала Харытонава ў Facebook.

Журналістаў апыталі ў міліцыі, забралі тэлефоны і адпусцілі. Пратакол не складалі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.