У брэсцкай актывісткі Алены Гнаўк адбыўся ператрус

28/09/2021 - 06:36

У брэсцкай актывісткі Алены Гнаук увечары 27 верасня прайшоў ператрус, паведамляюць праваабаронцы "Вясны". У актывісткі канфіскавалі старэнькі ноўтбук, флэшку і мабільнік.

Ператрус адбываўся ў рамках справы аб пагрозах на адрас старшага пракурора Брэсцкай гарадской пракуратуры Міхаіла Булыгіна. Гнаук праходзіць па гэтай справе сведкай.

Цягам апошняга года Гнаук двойчы асудзілі — па "карагоднай справе" і за абразу Лукашэнкі. Булыгін быў дзяржабвінаваўцам на судзе над Гнаук за абразу Лукашэнкі. Яго асабістыя даныя з'явіліся ў тэлеграм-канале "ЧКБ Брэст і вобласць". Пасля гэтага сілавікі пачалі крымінальную справу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.