У буйных гарадах Расіі эвакуююць гандлёвыя цэнтры і школы
У некалькіх буйных гарадах па ўсёй Расіі адбываецца эвакуацыя гандлёвых цэнтраў, школаў, ВНУ і адміністрацыйных будынкаў. Прычынай сталі ананімныя тэлефанаванні пра закладзеныя бомбы, піша "Новая газета".
У некаторых рэгіёнах прадстаўнікі праваахоўных органаў заяўляюць, быццам ідуць вучэнні. У іншых рэгіёнах інфармацыю пра вучэнні абвяргаюць.
У прэс-службе МУС Расіі журналістам не змаглі пракаментаваць інфармацыю пра масавую эвакуацыю.
Паводле інфармацыі СМІ, эвакуацыі прайшлі ў наступных гарадах: Стаўрапаль, Перм, Уфа, Краснаярск, Уладзівасток, Чалябінск, Омск, Магадан, Екацярынбург, Бранск, Разань, Новасібірску.
Ёсць звесткі, што ў Сургуце ўзброеныя людзі ў камуфляжы правяраюць кіроўцаў на дарозе. Са школаў Пермі эвакуявалі каля шасці тысяч чалавек, ва ўсіх школах горада адмененыя заняткі.
Дарэчы, звесткі пра эвакуацыю сталі паступаць ўвечары 10 верасня.
