У ЕАБР назвалі прычыны паскарэння інфляцыі ў Беларусі
У краме / svetoforbel.by
На рост цэн у Беларусі ўплываюць высокі ўнутраны попыт і інфляцыя ў Расіі, ключавога гандлёвага партнёра краіны. Так мяркуюць у Еўразійскім банку развіцця.
У студзені гадавая інфляцыя ў Беларусі склала 5,9% (у параўнанні са студзенем 2023 года). У снежні гэты паказчык быў ніжэйшы — 5,8% (у параўнанні са снежнем 2022). Хутчэй пачалі расці і цэны на прадукты (6,9% г/г у студзені, 6,8% г/г у снежні), і на нехарчовыя тавары (3,1% г/г пасля 2,9% г/г у снежні). Рост цэнаў запаволіўся толькі на паслугі — у студзені ён склаў 7,5% г/г пасля 8,1% г/г у снежні.
У ЕАБР мяркуюць, што інфляцыйны ціск у Беларусі захаваецца. Але ўлады будуць старацца стрымліваць рост цэнаў адміністрацыйна — за кошт мер цэнавага рэгулявання.
