У Гданьску падчас п'янкі беларус стрэліў украінцу ў галаву з пнеўматыкі
Беларуса затрымалі за тое, што стрэліў ва ўкраінца / pomorska.policja.gov.pl
У Польшчы паліцыя затрымала 23-гадовага грамадзяніна Беларусі. Падчас вечарынкі ён выпадкова стрэліў з пнеўматычнага пісталета ў 28-гадовага ўкраінскага сябра, паведамляе прэс-служба паліцыі.
7 студзеня ў паліцыю Гданьска звярнуўся дзяжурны лекар аднаго са шпіталяў. Ён расказаў, што да іх звярнуўся грамадзянін Украіны з куляй у патыліцы. Праз гадзіну паліцыя затрымала беларуса.
Выявілася, што хлопцы выпівалі разам і беларус стаў паказваць сябру пісталет. Ён перазарадзіў зброю і выпадкова стрэліў украінцу ў галаву. Гэта не перашкодзіла прыяцелям працягнуць выпіваць.
На наступны дзень украінец стаў пачувацца горш, і беларус адвёз яго ў лякарню хуткай дапамогі.
Цяпер нашаму суайчынніку пагражае да трох гадоў зняволення.
