У Гродзенскай вобласці ў чарзе на мяжы памёр дальнабойшчык
Следчыя агледзелі месца здарэння, апыталі відавочцаў / sk.gov.by
Гродзенскія следчыя праводзяць праверку па факце смерці дальнабойшчыка, які памёр у чарзе на мяжы, паведамляе рэгіянальны рэсурс "Віртуальны Брэст". Мужчыну было 37 гадоў. Інцыдэнт адбыўся яшчэ ў сераду 2 лютага.
Следчыя разам з судмедэкспертамі агледзелі месца здарэння і апыталі відавочцаў. Прызначаная судова-медыцынская экспертыза.
Паводле папярэдніх дадзеных, смерць кіроўцы не носіць крымінальны характар.
На беларускай мяжы з краінамі ЕС захоўваюцца вялікія чэргі. Памежны пераход "Брузгі" застаецца закрытым пасля таго, як мінулай восенню праз яго спрабавалі прарвацца мігранты. У "Казловічах" і "Бераставіцы" сваёй чаргі на выезд у Польшчу, паводле дадзеных на раніцу 4 лютага, чакала каля 1,5 тысяч вялікагрузаў. На мяжы з Літвой стаіць амаль 2 тысячы фур, з Латвіяй — 900.
