У інтэрнэце з'явіўся фільм пра снайперку з Барысава (відэа)
Наталля Красоўская ваюе на баку так званай "Данецкай народнай рэспублікі".
У інтэрнэце ўжо два разы з'яўляліся звесткі пра смерць снайперкі, якая казала, што мае беларускае грамадзянства. Аднак, як паведамляла Еўрарадыё, у суботу, 18 кастрычніка, Красоўская выступіла на мітынгу ў Маскве.
Здымкі аматарскага відэароліка таксама адбываліся падчас гэтага мітынгу. Красоўская паведаміла, што яна прыехала на яго з Грознага, дзе была апошнім часам.
