У Кіеве не выключаюць перакідку на Данбас расійскай баявой авіяцыі
Гэта можа адбыцца ў выпадку захопу Данецкага аэрапорта, які ўтрымліваюць украінскія сілавікі.
Яны штодня адбіваюць атакі. Учора з'явілася паведамленне, што аэрапорт штурмуе спецназ ГРУ Генштаба Узброеных Сіл Расіі. Сёння ўкраінскі эксперт Дзмітрый Тымчук напісаў у Facebооk, што ў тым раёне сабраныя падраздзяленні рэгулярнай расійскай арміі. Там жа расіяне разгортваюць сістэму Супрацьпаветранай абароны.
Паводле Тымчука, некалькі адзінак баявой авіяцыі без апазнавальных знакаў ужо перакінутыя на памежныя аэрадромы на тэрыторыі Расіі. Нібыта, іх рыхтуюць адправіць у Данецк пад выглядам "авіяцыі Наваросіі".
Фота — Reuters
