У Магілёве адбылася масавая бойка хакеістаў з Расіі і Славакіі (відэа)

У Магілёве адбылася масавая бойка хакеістаў з Расіі і Славакіі. Юныя спартсмены 2002 года нараджэння ўдзельнічалі ў турніры “Кубак Перамогі” ў складзе каманд “Русь” і “Банска-Быстрыца”. Славакі выйгравалі з лікам 2:1, калі пачалася бойка. На відэа, якое з’явілася ў Twitter, можна пабачыць, што спачатку біліся хлопцы ў цывільнай вопратцы па-за лядовай пляцоўкай. Неўзабаве да іх далучыліся хакеісты. Хлопцы выкарыстоўвалі і кулакі, і клюшкі. І адбывалася ўсё гэта пад плакатам “Перамагаем разам!”.

У выніку матч закончыць не ўдалося — каманды былі адпраўленыя ў распранальні.