У Маладзечне пачаўся суд над шматразовым чэмпіёнам свету Аляксеем Кудзіным

Кудзін у жніўні 2020-га ўдзельнічаў у Маладзечне ў акцыях пратэсту супраць фальсіфікацыі вынікаў прэзідэнцкіх выбараў. Іх разганялі сілавікі. Кудзіна затрымалі пазней спецназаўцы, жостка збілі. Ён быў пад адміністрацыйным арыштам, заплаціў штраф. Пасля стала вядома пра крымінальную справу. У лістападзе спартсмен не прыйшоў у суд, і яго аб'явілі ў вышук. Затрымалі Кудзіна ў студзені 2021-га ў Маскоўскай вобласці Расіі. Генпракуратура Беларусі даслала ў Расію зварот аб экстрадыцыі, і РФ у ліпені выдала Кудзіна, нягледзячы на забарону Еўрапейскага суда па правах чалавека.

Аляксей Кудзін пагадзіўся з тым, што ўдары па сілавіках былі, аднак сказаў, што зрабіў гэта не наўмысна, а ў мэтах самаабароны. Раней ён заплаціў кампенсацыю пацярпелым: Яндоле — 15 тысяч рублёў, Зорыну — 4 тысячы.