У Мінску адмянілі канцэрт гурта ЛСП
У Мінску адмянілі канцэрт беларускага гурта ЛСП, на які былі прададзеныя ўсе квіткі.
"На жаль, канцэрт адмяняецца па незалежных ад артыста і арганізатара прычынах", — гаворыцца на сайце Falcon Club, дзе мусіў адбыцца выступ.
Раней праўладныя каналы неаднаразова пісалі пра саліста гурта і яго падтрымку пратэстоўцаў.
Арганізатары прымаюць заяўкі на вяртанне грошай за набытыя квіткі да 1 снежня. Вяртаць грошы будуць з 1 лістапада да 1 сакавіка 2022 года ў парадку чарговасці падачы заявак.
