У Мінску выбралі самы лепшы пляж — Дразды прайгралі
![Прыборка пляжа / minsknews.by](/sites/default/files/styles/gallery_main/public/2023-08/pliaz-2605.jpg.webp?itok=uz8C57Jn)
Прыборка пляжа / minsknews.by
У Мінску вызначылі найлепшыя пляжы, паведамляюць "Мінск-Навіны".
Займалася гэтым камісія пад кіраўніцтвам намесніка старшыні Мінгарвыканкама Алега Корзуна. Чыноўнікі наведалі пляжы вадасховішчаў Дразды, Заслаўскае, Крыніца і Цнянскае. Першынство аддалі пляжам на Цнянскім вадасховішчы.
Паведамляецца, што сёлета ўзбярэжжа Цнянскага вадасховішча абсталявалі сістэмай відэаназірання: цяпер тут нястомна сочаць 36 відэакамераў.
Дарэчы, у кожнай зоне адпачынку на ўсіх чатырох вадасховішчах паставілі ратавальны стэнд з кругам і камізэлькай: не чакаючы ратавальнікаў, адпачывальнікі могуць без рызыкі для ўласнага жыцця дапамагчы тапельцу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.