У Неапалі паліцыя затрымала беларуса, якога шукаюць улады Беларусі
Неапаль / pixabay.com
У Неапалі паліцыя затрымала 27-гадовага беларуса, якога шукаюць улады Беларусі. З 2018-га Уладзіслаў жыў і працаваў у Польшчы. У Італію паехаў 8 лютага разам з жонкай, каб адзначыць дзень нараджэння. Увечары ў сераду яго затрымалі. Паліцэйскія ў гатэлі надзелі на рукі кайданкі і забралі. Гаворка ідзе пра экстрадыцыю. Справай займаецца Інтэрпал, піша @mostmediaio.
Вядома, што паліцыя Неапаля адрэагавала на запыт уладаў РБ. Беларус удзельнічаў у акцыях пратэсту супраць рэжыму Аляксандра Лукашэнкі, але не ў Беларусі, а ў Польшчы. На радзіме ён не быў пяць гадоў. Арышт можа быць звязаны з крымінальнай справай за махлярства, распачатай у Беларусі. Уладзіслаў праходзіў сведкам па ёй. У вышук яго аб'явілі 1 снежня 2020-га.
Беларуская дыяспара шукае адваката для затрыманага.
