У Польшчы патлумачылі сітуацыю з памежным пераходам Казловічы-Кукурыкі
Памежны пераход Казловічы-Кукурыкі / TVN24
Памежны пункт пропуску "Казловічы-Кукурыкі" не закрыты, але рух запаволіўся праз праверкі, звязаныя з новымі санкцыямі. Пра гэта інфармагенцтву Reuters заявілі ў Міністэрства фінансаў Польшчы.
Як распавядала Еўрарадыё, Мытны камітэт Белаурсі 10 ліпеня паведаміў, што з 3-й гадзіны ночы Польшча перастала прапускаць фуры з нашай краіны. Гэты памежны пераход на сёння застаўся адзіным, праз які з Беларусі ў Польшчу могуць трапіць вяліграрузныя аўтамабілі. Паводле беларускай мытні, за ноч з'явілася чарга з 600 фур.
Новыя санкцыі ЕС супраць рэжыму Лукашэнкі пачалі дзейнічаць з пачатку ліпеня. Згодна з імі польскія памежнікі не дазваляюць вывозіць у Беларусь вялізны пералік тавараў. Таксама цяпер забаронена ўязджацьу Польшчу на легкавым аўто, калі ў салоне няма ўладальніка машыны.
