У Санкт-Пецярбургу адбыўся выбух у краме, пацярпелі тры чалавекі

Выбух прагрымеў сёння ў адной з крамаў Санкт-Пецярбурга. Здарэнне адбылося ўвечары на плошчы Калініна, піша мясцовы сайт fontanka.ru.

Хуткая дапамога забрала з месца здарэння трох чалавек. Адзін з іх знаходзіцца ў цяжкім стане, другі — у сярэдняй ступені цяжкасці. Трэці, як паведамляецца, пацярпеў нямоцна. 

Выбух адбыўся ў камеры захоўвання, але закрануў яшчэ і адну з касаў. У самім будынку разбурэнняў канструкцый няма. На месцы працуюць 50 супрацоўнікаў МНС, выбухатэхнікі і паліцыя.