У справу Тэрэсы Стшэлец умяшаецца Еўрапарламент
Віцэ-прэзідэнт Еўрапарламента Яцэк Пратасевіч выказаў занепакоенасць тым, што ўлады Беларусі адмаўляюцца выпусціць з тэрыторыі краіны грамадзянку Польшчы.
Пратасевіч заявіў у Брусэлі, што збіраецца размаўляць на гэтую тэму з амбасадарам Еўрасаюзу ў Беларусі, перадае Радыё "Свабода". Ён нагадвае, што Стшэлец — грамадзянка Еўрасаюзу, і незразумелыя дзеянні ў адносінах да яе ўскладняюць не толькі адносіны Беларусі з Польшчай, але і Беларусі з Еўрасаюзам.
Нагадаем, што грамадзянка Польшчы больш за месяц не можа выехаць з Беларусі. З яе патрабуюць мытныя пошліны за аўто, якія яна не прызнае законнымі. 8 красавіка Стшэлец абвясціла галадоўку ў польскім консульстве ў Брэсце.
Фота — gs.by
