У Ваўкавыску ў дзіцячым садку адбылася ўцечка хлору
![У Ваўкавыску ў дзіцячым садку адбылася ўцечка хлору](/sites/default/files/styles/gallery_main/public/2023-08/vaukavysk-0301-2.jpg.webp?itok=fVw06Rdf)
Ваўкавыскія ратавальнікі 3 студзеня ў 11:45 атрымалі паведамленне пра пах газу на тэрыторыі дзіцячага садка па вуліцы Перамогі, паведамляе прэс-служба МНС.
Аварыйная брыгада газавай службы, прыбыўшы на месца, выссветліла, што на вуліцы каля ўваходу ў сутарэнне адбылася разгерметызацыя балона з хлорам. Гэты балон пераносілі два падсобныя рабочыя. Хлор ўжываўся для ачысткі вады ў басейне.
Мужчыны спрабавалі справіцца з сітуацыяй самастойна, але адчулі сябе дрэнна. Яны папрасілі выклікаць хуткую дапамогу.
Ратавальнікі асадзілі пары хлору вадой і вывезлі балон для далейшай ўтылізацыі.
Пацярпелых даставілі ў лякарню з атручваннем.
![У Ваўкавыску ў дзіцячым садку адбылася ўцечка хлору](/sites/default/files/paragraphs/image/vaukavysk-0301-1.jpg)
![У Ваўкавыску ў дзіцячым садку адбылася ўцечка хлору](/sites/default/files/paragraphs/image/vaukavysk-0301-3.jpg)
![У Ваўкавыску ў дзіцячым садку адбылася ўцечка хлору](/sites/default/files/paragraphs/image/vaukavysk-0301-4.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.