У Жытоміры прапаршчык вынес з вайсковай часці больш за 800 кілаграмаў срэбра
На пяць гадоў пазбаўлення волі асуджаны прапаршчык адной з вайсковых часцей украінскай арміі, якая дыслакуецца ў Жытоміры. Маючы пасаду начальніка сховішча, ён здолеў вынесці маёмасці на сотні
тысяч долараў. Толькі срэбраных пласцін прапаршчык скраў больш за 800
кілаграмаў. Усё гэта ён прадаў. Калі на яго след выйшла вайсковая
контрвыведка, прапаршчык нейкі час хаваўся за мяжой, у Расіі і ў
Малдове, паведамляе УНІАН.
