Украінскі міністр: Лукашэнку папярэджвалі пра пагрозу вайны Беларусі і Расіі
![Украінскі міністр: Лукашэнку папярэджвалі пра пагрозу вайны Беларусі і Расіі](/sites/default/files/styles/gallery_main/public/2023-08/rts316b7_0.jpg.webp?itok=5wKw86DM)
Міністр замежных спраў Украіны Вадзім Прыстайка ў інтэрв'ю чэшскаму выданню Respekt паразважаў пра беларуска-расійскія адносіны. Ён заявіў, што існуе пагроза вайны паміж Беларуссю і Расіяй. Прыстайка прыгадаў, што некалькі гадоў таму ў размовах з беларускімі журналістамі папярэджваў: "калі яны захочуць застацца незалежнымі, то сутыкнуцца з такой самай вайной, такімі ж цяжкасцямі і такімі ж пакутамі, як і мы [украінцы]". Беларусы не верылі, але цяпер сумненняў у іх менш, мяркуе ўкраінскі міністр.
"Вядома, я ўсё яшчэ спадзяюся, што памыляюся, — кажа Прыстайка. — Беларусы спакойныя і цярплівыя. Але мы таксама былі спакойнымі і цярплівымі людзьмі — і такая сітуацыя будзе працягвацца да таго часу, пакуль яны не пачнуць забіваць вас".
Украінскія ўлады папярэджвалі Аляксандра Лукашэнку пра такія перспектывы. Яму казалі, што ёсць толькі два варыянты: "з дапамогай замежных партнёраў быць разважлівымі і спакойнымі — і прайграць, або пачаць змагацца [за сваю незалежнасць] проста цяпер".
![Украінскі міністр: Лукашэнку папярэджвалі пра пагрозу вайны Беларусі і Расіі](/sites/default/files/paragraphs/image/1579219105-4659.jpg)
Чем дольше Пристайко находится на посту главы МИД Украины, тем больше он становится похож на Климкина. Явная чушь о том, будто Белоруссию ждёт война с Россией, - это смесь дешёвой пропаганды и примитивного манёвра с целью стравить Москву и Минск. Тут дипломатией и не пахнет.
— Алексей Пушков (@Alexey_Pushkov) February 17, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.