Узгаранне на мінскім гадзіннікавым заводзе “Луч”

Аднак узгаранне аказалася несур’ёзным — тлеючы электрычны шчыт патушылі з дапамогай аднаго вогнетушыцеля. У МНС гавораць, што пры паведамленнях аб пажары на заводах заўсёды высылаецца шмат тэхнікі.

Вось што распавёў Еўрарадыё прэс-сакратар МНС па Мінску Віталь Дэмбоўскі:

“Так, было паведамленне з гадзіннікавага завода аб пажары. На месцы нашы супрацоўнікі высветлілі, што адбылося кароткае замыканне ў электрашчыце. У такіх выпадках, калі прыходзіць паведамленне з вялікага прадпрыемства, заўсёды высылаецца шмат тэхнікі. Першыя, хто прыбыў на месца, разабраліся ў сітуацыі”.

Узгаранне было настолькі нязначным, што не спатрэбілася нават эвакуацыя.
 

Фота — minskpromstroy.by