Віцебскія ўлады выдаткуюць 6000 рублёў на два слупы з паказальнікамі
Віцебскі гарвыканкам плануе паставіць два дэкаратыўныя слупы з паказальнікамі для турыстаў. Гарадскому бюджэту яны будуць каштаваць 6000 рублёў, пішуць "Народныя навіны Віцебска". Дзе менавіта паставяць слупы, пакуль невядома.
Закупку канструкцыяў з адной крыніцы праводзіць Віцебскі гарадскі Міжгаліновы цэнтр па забеспячэнні дзейнасці бюджэтных арганізацый.
Слупы павінныя быць амаль трохметровай вышыні. На кожным з іх умацуюць па чатыры паўметровыя стрэлкі-паказальнікі.
У кошт закупкі ўваходзяць выдаткі па вырабе і ўсталяванні слупоў. Змантаваць іх павінны да 7 верасня.
