Вікторыя Азаранка вернецца на корт у канцы ліпеня 2017 года
![Вікторыя Азаранка вернецца на корт у канцы ліпеня 2017 года](/sites/default/files/styles/gallery_main/public/2023-08/000028_abae86d7a9d617a043257f9100609602_857029.jpg.webp?itok=PpgL-TOi)
Вікторыя Азаранка вернецца на корт у канцы ліпеня 2017 года. Яна паўдзельнічае ў тэнісным турніры катэгорыі “Прэм’ер” ў Стэнфардзе ў ЗША (ён пройдзе з 31 ліпеня да 6 жніўня). Беларуска атрымала ад арганізатараў асаблівае запрашэнне.
Як вядома, Азаранка прыпыніла свае выступленні летам мінулага года, у снежні яна нарадзіла сына. “Я вельмі радая, што маё вяртанне ў тур адбудзецца на турніры "Bank of the West Classiс" у Стэнфардзе, — цытуе словы спартсменкі яе фан-група ў сацсетках. — Мацярынства — гэта самае лепшае, што са мной калі-небудзь здаралася. Я з нецярпеннем чакаю пачатку новага этапу ў маёй кар’еры”.
На мінулым тыдні былая першая ракетка свету займала ў рэйтынгу WTA 317-е месца.