Вікторыя Азаранка выйшла ў 1/8 фіналу Уімблдона
Вікторыя Азаранка / Chryslene Caillaud / Panoramic
Беларуская тэнісістка Вікторыя Азаранка (20-е месца ў рэтынгу WTA) на турніры ў Уімблдоне выйшла ў 1/8 фіналу.
7 ліпеня яна перамагла расіянку Дар'ю Касаткіну (10) — 6:2, 6:4.
Сустрэча доўжылася 1 гадзіну 17 хвілін.
Наступнай саперніцай Азаранка будзе пераможца сустрэчы паміж украінкай Аленай Світолінай і амерыканкай Соф'яй Кенін.
Як распавядала Еўрарадыё, сёння таксама перамогу на Уімблдоне атрымала Арына Сабаленка, а іншая беларуская тэнісістка Аляксандра Сасновіч прайграла і выбыла са спаборніцтваў.
