"Вось кальцо, а вось граната": у Барысаве раўнівы муж пагражаў падарваць жонку
![На ўчастку ў зямлі мужчына закапаў яшчэ адну гранату і патроны / t.me/police_minsk](/sites/default/files/styles/gallery_main/public/2023-08/photo_2021-10-29_11-07-15.jpg.webp?itok=hk4qzrb5)
На ўчастку ў зямлі мужчына закапаў яшчэ адну гранату і патроны / t.me/police_minsk
У Барысаве п'яны муж на глебе рэўнасці пагражаў жонцы гранатай, паведамляе МУС.
У панядзелак каля паўночы муж і жонка распівалі спіртное і пасварыліся — муж прыраўнаваў жонку. Ён выйшаў з хаты, а назад вярнуўся з гранатай у руках. Пасля гэтага ён сеў насупраць жонкі і са словамі "Вось кальцо, а вось граната" паклаў на стол ахоўнае кальцо. Ручную гранату мужчына заціснуў у кулаку.
Жанчына патэлефанавала знаёмаму, які выклікаў міліцыю. Мужчыну затрымалі, на ўчастку ў зямлі знайшлі яшчэ адну гранату і патроны. Падчас інцыдэнту ў доме акрамя дарослых знаходзіліся дзеці.
Распачатая крымінальная справа за пагрозу забойствам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.