Былы офіс палітвязня Эдуарда Бабарыкі прадаюць з аўкцыёна
![Дом па вуліцы Шорнай, дзе размяшчаецца былы офіс Эдуарда Бабарыкі](/sites/default/files/styles/gallery_main/public/2024-09/babaryka-1109-1_1.jpg.webp?itok=2QfkW7sV)
Дом па вуліцы Шорнай, дзе размяшчаецца былы офіс Эдуарда Бабарыкі / e-auction.by
Рэжым Лукашэнкі выставіў на аўкцыён чарговую маёмасць палітвязня Эдуарда Бабарыкі. Праз "Белюрзабеспячэнне" спрабуюць прадаць офіснае памяшканне ў Мінску на вуліцы Шорнай (раён Нямігі).
Гаворка ідзе пра аднапакаёвае памяшканне плошчай 30,9 кв. м з двума вокнамі. Офіс размешчаны на першым паверсе будынка.
Паведамляецца, што маёмасць арыштаваная па рашэнні следчых органаў.
Пачатковы кошт маёмасці на аўкцыёне — 129 000 рублёў. Таргі прызначаныя на 10 кастрычніка. Яны адбудуцца, калі на сайце інтэрнэт-аўкцыёна зарэгіструюцца ахвочыя набыць маёмасць.
Эдцарда затрымалі разам з яго бацькам, Віктарам Бабарыкам, 18 чэрвеня 2020 года, калі яны везўлі падпісныя лісты ў Цэнтрвыбаркам. Эдуарда трымалі ў СІЗА КДБ, некалькі разоў мянялі яму абвінавачанне. 5 ліпеня 2023 года яго асудзілі на восем гадоў пазбаўлення волі. Таксама яму прызначылі штраф у 185 тысяч рублёў (5000 базавых велічыняў).
Сёлета ў ліпені яму прысудзілі яшчэ два гады зняволення, абвінаваціўшы ў непадпарадкаванні адміністрацыі калоніі.
![Былы офіс палітвязня Эдуарда Бабарыкі прадаюць з аўкцыёна](/sites/default/files/styles/default_image_paragraph/public/paragraphs/image/babaryka-1109-2%20%281%29.jpg.webp?itok=20BdPvbj)
![Былы офіс палітвязня Эдуарда Бабарыкі прадаюць з аўкцыёна](/sites/default/files/styles/default_image_paragraph/public/paragraphs/image/babaryka-1109-3%20%281%29.jpg.webp?itok=t8sudkDV)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.