"Я таксама жыць хачу": пагаварылі з таксістам, які не падвозіць кітайцаў

Ці не баіцца таксіст, што дзяўчына магла яго падмануць?

"Ну тыдзень ужо прайшоў, здаецца, здаровы", — смяецца ён.

Па словах мужчыны, паніка сярод калег пачалася два тыдні таму:

"Прыязджаеш на заказ — стаіць студэнт з Кітая. Таксама кажа, што ўжо некалькі машын адмовіліся яго везці. Я — чацвёрты. А ён не ведае, як дабрацца. Я разумею і яго, але я таксама жыць хачу. Невядома, правяраюць іх ці не правяраюць. Спачатку вазіў. Памятаю, да мяне адзін кітаец сеў, дык адразу папярэдзіў, што на канікулы ў Кітай не ездзіў. Маўляў, не бойся".

Кіроўца занепакоены тым, што каранавірус дабраўся да Беларусі. Бо кітайцы паўсюль — "і ў метро, ​​і ў крамах, і ва ўніверсітэтах з імі кантактуюць". Ён разумее, што носьбітам захворвання, выкліканага каранавірусам, можа быць чалавек любой нацыянальнасці, але настойвае на сваім — вазіць не будзе менавіта кітайцаў.

"Можа, гэта і няправільна... Але ў Італіі таксама пачалося з аднаго выпадку, а цяпер там эпідэмія, — кажа ён. — Трэба ў масцы ездзіць".

Першы выпадак каранавіруса ў Беларусі зарэгістравалі 27 лютага. Яго выявілі ў аднаго з іранскіх студэнтаў.

Хлопец прыляцеў у Беларусь з Баку 22 лютага. Яго і яго блізкіх шпіталізавалі, а ўсіх, з кім ён меў зносіны, правяраюць на наяўнасць каранавіруса.