Яшчэ адзін вайсковы беларускі эшалон адпраўлены ў Гомель
![Танк на чыгуначнай платформе](/sites/default/files/styles/gallery_main/public/2024-08/photo_2024-08-11_07-44-49.jpg.webp?itok=pqDhQyBE)
Танк на чыгуначнай платформе / "Ваяр"
На чыгуначную станцыю Навабеліцкая (Гомель) адпраўлены яшчэ адзін беларускі вайсковы эшалон, паведамляе "Супольнасць чыгуначнікаў Беларусі".
Папярэдні эшалон з 37 вагонаў, як расказвала Еўрарадыё, быў адпраўлены 11 жніўня са станцыі Барысаў.
14 жніўня са станцыі Заслонава (у Віцебскай вобласці) на станцыю Навабеліцкая быў адпраўлены эшалон з 17 вагонаў. У ім быў адзін вагон з вайскоўцамі і 16 вагонаў-платформаў з ваеннай тэхнікай. Паводле звестак чыгуначнікаў, у Гомель перакінулі адзін з батальёнаў 19-й механізаванай брыгады (в/ч 14398).
Вайсковыя эшалоны адпраўляюць у бок мяжы з Украінай на фоне размоваў аб правакацыях ня мяжы.
"Тым не менш, перамешчаныя на мяжу з Украінай аб'ёмы ваеннай тэхнікі, боепрыпасаў і асабістага складу ў цяперашні час не могуць сведчыць пра якое-небудзь значнае "ўзмацненне" мяжы ў гэтым напрамку", — адзначаюць у "Супольнасці чыгуначнікаў Беларусі". На іх думку, рэжым Лукашэнкі проста стварае ілюзію актыўных дзеянняў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.