За абразу Лукашэнкі экс-футбаліста асудзілі на два гады калоніі
Два гады калоніі агульнага рэжыму атрымаў 33-гадовы Юрый Церашкевіч за абразу Аляксандра Лукашэнкі, паведамляюць праваабаронцы. Такі прысуд вынесла суддзя Лунінца і Лунінецкага раёна Святлана Братанава.
Церашкевіч — былы брамнік футбольнага клуба "Граніт" (Мікашэвічы). За гэты клуб ён гуляў у сезоне 2006/2007.
Як сцвярджае бок абвінавачання, увечары 9 студзеня 2022 года супрацоўнікі ДАІ затрымалі Церашкевіча на аўтадарозе. У іх аўтамабілі, у лякарні і па дарозе ў РАУС ён нецэнзурна абражаў Лукашэнку.
