За стрыптызёрак на конкурсе "Міс-Мінск 2013" нікога не пакаралі
Тэлеканал СТВ так і не пакараў нікога са сваіх топ-менеджараў за правал скандальна праслаўленага конкурсу прыгажосці "Міс-Мінск 2013".
Інтэрнэт-газета "Салiдарнасць" вырашыла высветліць, ці быў пакараны хтосьці з адміністрацыі тэлеканала — у прыватнасці, дырэктар прадзюсарскага цэнтра ЗАТ "Сталічнае тэлебачанне" Анастасія Гузель-Ганіева. Тым больш, што конкурс, у які было ўкладзена 2 мільярды рублёў, так і не выйшаў у эфір.
Аднак у прыёмнай дырэкцыі журналістам заявілі, што адказы дае толькі прэс-служба. А прэс-сакратар канала СТВ Анастасія Савіцкая паведаміла, што гэтая сітуацыя застанецца без каментароў.
Нагадаем, што скандал узнік пасля таго, як высветлілася, што вялікая частка пераможцаў на конкурсе — прафесійныя стрыптызёркі.
