“Зрабілі ўсё, каб сябе патапіць” — эксперт пра крызіс “Острова чистоты и вкуса”

Таму яны вырашылі згуляць у такую гульню, як раней “Еўраопт”, калі там казалі: прададзімся расіянам і станем расійскім бізнесам. Маўляў, ха-ха, што вы з намі зробіце? То-бок цяпер яны ў такім становішчы, дзе няма добрых варыянтаў, і не таму, што іх разграмілі ўлады. Самі малайцы, што называецца — ідэальны шторм: яны зрабілі ўсё, каб сябе патапіць.

— Ці можна зрабіць нейкі прагноз наконт будучыні гэтай сеткі? Ці атрымаецца  знайсці пакупніка бізнесу ў Расіі?

— У іх не атрымаецца, калі, вядома, яны не зменшаюць свае апетыты да вельмі маленькай сумы. Улады таксама не будуць іх ратаваць, бо ў іх саміх няма на гэта грошай.

Але можа адбыцца як з сеткай дзіцячых тавараў “Буслік”, дзе змянілі ўласніка і ніхто гэтага не заўважыў. Зараз у іх уласнік не польскі бізнес, а “Альфа-Банк”, бо там была адкрытая крэдытная лінія і палякі зразумелі, што няма іншага спосаба свой бізнес у Беларусі прадаць. Яны перасталі абслугоўваць крэдыт, таму цяпер “Буслік” належыць банку. Тое самае можа здарыцца і з “Островом чистоты”. Бізнес застанецца працаваць, але ўласнікам стане нейкі банк. Гэтая схема працуе, і не толькі ў Беларусі.