ЗША гатовыя замяніць у пастаўках Украіне ракеты кіраванымі авіябомбамі

ЗША гатовыя замяніць у пастаўках Украіне ракеты кіраванымі авіябомбамі, паведамляе Reuters. Запасы ATACMS ва ўкраінцаў скончыліся. Там ужо чакаюць мадэрнізаваныя GLSDB.

GLSDB — гэта бомба малога дыяметра наземнага базавання, якая наносіць удары да 150 кіламетраў. Яны пастаўляліся ва Украіну яшчэ пры адміністрацыі Джо Байдэна. Аднак ёсць звесткі, што праз расійскія сістэмы радыёэлектроннай барацьбы бомбы сталі неэфектыўныя. Аднак амерыканцы вырашылі праблему праз мадэрнізацыю GLSDB.

Апошні раз згаданыя бомбы выкарыстоўваліся ва Украіне ў канцы мінулага года. Запасы мадэрнізаваных GLSDB ужо ёсць у Еўропе. Чакаецца, што ў бліжэйшыя дні іх зноў пачнуць выкарыстоўваць на фронце.

ЗША аднавілі пастаўкі зброі і боепрыпасаў ва Украіну пасля нядаўніх амерыканска-ўкраінскіх перамоваў у Саудаўскай Аравіі.