Зяленскі прыбыў у Японію на сустрэчу G7

Уладзімір Зяленскі наведае саміт" Вялікай сямёркі " (G7).

— Японія. G7. Важныя сустрэчы з партнёрамі і сябрамі Украіны. Бяспека і ўзмацненне супрацоўніцтва для нашай перамогі. Сёння свет стане бліжэй, — піша прэзідэнт Украіны.

У Японіі плануецца сустрэча Зяленскага з прэзідэнтам ЗША Джо Байдэнам.

Падчас саміту лідары G7 анансавалі працяг падтрымкі Украіны і новыя санкцыі супраць Расіі. Яны таксама лічаць, што размяшчэнне ядзернай зброі ў Беларусі — небяспечна і непрымальна.

G7 — нефармальнае аб'яднанне дзяржаў з найбольш развітымі эканомікамі. Туды ўваходзяць Вялікабрытанія, Германія, Італія, Канада, Францыя, Японія і ЗША.