Зяленскі расказаў, як доўга Украіна плануе ўтрымліваць частку Курскай вобласці
![Украінскі танк у Курскай вобласці](/sites/default/files/styles/gallery_main/public/2024-09/457854725_861020266211053_6391500982521917414_n.jpg.webp?itok=g2vuir9n)
Украінскі танк у Курскай вобласці / facebook.com/GeneralStaff.ua
Уладзімір Зяленскі ў інтэрв'ю NBC News расказаў, як доўга Украіна плануе ўтрымліваць тэрыторыю Курскай вобласці, якую ў жніўні ўзялі пад свой кантроль украінскія войскі. "Пакуль не прымусім Пуціна да перамоваў", — заявіў украінскі прэзідэнт. Атрымліваецца, што кантроль захаваецца на нявызначаны тэрмін, адзначае NBC News.
Украіна будзе кантраляваць частку Курскай вобласці, паколькі гэта — неад'емная частка "пераможнага плана" па спыненні вайны. "На дадзены момант яна нам патрэбна", — сказаў Зяленскі. Аднак падкрэсліў: "Нам не патрэбна іх зямля. Мы не хочам прыўносіць туды наш украінскі лад жыцця".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.