Зянон Пазняк успомніў, як пачынаўся БНФ (фота)
20 снежня ў Варшаве адбылася вечарына з удзелам аднаго з заснавальнікаў і першага старшыні партыі.
Мерапрыемства было прымеркавана да 25-годдзя ўзнікнення руху. Сустрэча пры падтрымцы “Беларускай Нацыянальнай Памяці” прайшла ў Палацы навукі і культуры. Зянон Станіслававіч распавёў пра зараджэнне руху і яго поспехі ў канцы 1980-х і пачатку 1990-х гадоў. Акрамя агульнавядомай інфармацыі, палітык распавёў шмат цікавых падрабязнасцяў. Напрыклад, як камуністычныя ўлады спрабавалі сарваць першы сход руху і як пазней змагаліся з пашырэннем яго папулярнасці.
Днём заснавання Беларускага народнага фронту “Адраджэнне” лічыцца 19 кастрычніка 1988 года. Гэта быў беларускі грамадска-палітычны рух, які стаў першай альтэрнатывай камуністычнай партыі ў БССР.
