18 жніўня адкрыецца віленскі аэрапорт

18 жніўня адкрыецца віленскі аэрапорт. Ён не працаваў ад 14 ліпеня з-за рэканструкцыі ўзлётна-пасадачнай паласы, большасць рэйсаў перавялі ў Каўнас. Як інфармуе Delfi, работы выконвала латвійскае прадпрыемства і каўнаская будаўнічая кампанія, яны каштавалі амаль 19 мільёнаў еўра.

Ужо ў пятніцу, 11 жніўня, пачнуцца выпрабаванні рэканструяванай узлётна-пасадачнай паласы і іншай інфраструктуры. Дарэчы, заключныя зямельныя работы ў аэрапорце будуць працягвацца да кастрычніка, але на яго працу яны не паўплываюць.