19:32 Збітага салдата перавядуць служыць бліжэй да хаты
Хлопец выпісваецца са шпіталя, а ў дачыненні да прапаршчыка, які яго збіў, распачалі крымінальную справу.
Нагадаем, збітага салдата на
дарозе ў сталічным мікрараёне Уручча, дзе размешчана Ваенная акадэмія, падабраў
выпадковы кіроўца. У шокавым стане яго даставілі ў неўралагічнае аддзяленне
вайсковага шпіталя.
Салдата жорстка збіў
прапаршчык-кантрактнік, пасля чаго пацярпелы ўцёк у лес і выйшаў ды трасы. У
чацвер пра гэту гісторыю напісала газета “Комсомольская правда в Беларуси»,
журналісты якой паведамілі бацькам салдата пра здарэнне.
У пятніцу яго маці прыехала з вёскі з Магілёўскай вобласці да сына. Лекары гавораць, што ў хлопца толькі нязначныя пашкоджанні, і ў войску ён служыць працягне. Яго перавядуць у частку бліжэй да хаты.
