53-е месца — найлепшы вынік беларусак у біятлонным спрынце
Гонка прайшла 14 снежня ў французскім Ансі ў рамках этапу 3-га кубка свету па біятлоне.
53-е месца заняла Людміла Калінчык, якая зрабіла два штрафныя колы і прайграла лідару 1 хвіліну 52 секунды. У Надзеі Скардзіна 61-е месца (3 штрафных колы), Анастасія Каліна на 75-м месцы (2 штрафных колы) і Анастасія Дубарэзава — на 93-м (5 промахаў).
У гонцы не прымала ўдзел Дар’я Домрачава, якая рыхтуецца да Алімпіяды ў Сочы. Вядомая беларуская біятланістка прапускае этап кубка свету ў Ансі.
Перамагла ў спрынце швейцарка Селін Гаспарын, другое месца ў фінкі Кайсы Макярайнен і трэцяе ва ўкраінкі Валянціны Семярэнка (Украіна).
