Адкліканыя запрашэнні РБ і РФ на акцыі на ўгодкі вызвалення Аўстрыі ад нацызму
Вена / Ілюстрацыйнае фота pixabay.com
Адкліканыя запрашэнні Беларусі і Расіі на ўрачыстасці на ўгодкі вызвалення Аўстрыі ад нацызму. Пра гэта з абурэннем заявіў расійскі пасол у гэтай краіне Дзмітрый Люблінскі: "Рашэнні... аб адкліканні запрашэнняў дэлегацыям Расійскай Федэрацыі і Рэспублікі Беларусь на афіцыйныя ўрачыстасці... разглядаем як непрымальныя і ганебныя".
Расійскія дыпламаты ў Аўстрыі збіраюцца ўшанаваць памяць загінулых за яе свабоду грамадзян СССР "па-за рамкамі афіцыйных мерапрыемстваў". Пра планы дыпламатаў РБ інфармацыі няма.
Урачыстасці з нагоды вызвалення Аўстрыі ад нацызму і заканчэння Другой сусветнай вайны пройдуць 8 траўня.
Міжнародная ізаляцыя Расіі, як агрэсара, і Беларусі, як яе саюзніка і суагрэсара, павялічваецца.
