Алег Пратасаў афіцыйна пакінуў мінскае "Дынама"
Увечары 11 чэрвеня галоўны трэнер развітаўся з камандай і пакінуў лагер сталічнага футбольнага клуба.
У аўторак мінскія дынамаўцы правялі апошнюю трэніроўку пад кіраўніцтвам Алега Пратасава. Пасля яе Алег Валер'евіч развітаўся з падапечнымі, перадае сайт клуба. Ад імя каманды выступіў Аляксандр Суліма, які падзякаваў трэнеру за зробленую працу і пажадаў яму поспеху ў далейшай працы.
Разам з Пратасавым мінскае "Дынама" пакінулі і яго асістэнты Аляксандр Беркетаў і Томас Янітопулас.
Новы галоўны трэнер каманды будзе прызначаны хуткім часам. Паводле неафіцыйных звестак, ім можа стаць галандскі спецыяліст Роберт Маскант. Другі верагодны прэтэндэнт, бразілец Паўлу Соўза, ужо ўзначаліў тэль-авіўскі "Макабі".
Фота — dinamo-minsk.by
