Амаль палова апытаных грамадзян Польшчы негатыўна ставіцца да беларусаў
![У значнай ступені негатыўнае стаўленне да беларусаў — гэта наступства дзеянняў рэжыму](/sites/default/files/styles/gallery_main/public/2024-03/pap_20200818_0dl.jpg.webp?itok=JcDNBYpN)
У значнай ступені негатыўнае стаўленне да беларусаў — гэта наступства дзеянняў рэжыму / pap.pl
Амаль палова апытаных грамадзян Польшчы (47%) негатыўна ставіцца да беларусаў. Горшае ў іх стаўленне толькі да расіян (76%). Апублікаваныя вынікі сацыялагічнага даследавання, праведзенага ў студзені 2024-га Польскім цэнтрам вывучэння грамадскай думкі.
24% апытаных заявілі, што пазітыўна ставяцца да беларусаў, а 21% — нейтральна, яшчэ 8% не змаглі вызначыцца з адказам. Да ўкраінцаў пазітыўна ставіцца 40%, а негатыўна — 30%. Найлепшае стаўленне апытаныя палякі (65%) выказалі да амерыканцаў.
Безумоўна, у значнай ступені негатыўнае стаўленне да беларусаў — гэта наступства дзеянняў рэжыму Аляксандра Лукашэнкі, саюзніка Расіі, якая напала на Украіну.
![Амаль палова апытаных грамадзян Польшчы негатыўна ставіцца да беларусаў](/sites/default/files/styles/default_image_paragraph/public/paragraphs/image/0720241.jpg.webp?itok=ZwCRGpAx)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.