Азаранка выбыла з турніру ў Дубаі
Вікторыя Азаранка / Reuters
Вікторыя Азаранка выбыла з тэніснага турніру ў Дубаі. У сераду ў матчы 1/8 фіналу яна прайграла амерыканцы Мэдысан Кіз — 2:6, 1:6. Азаранка на сённяшні дзень 14-я ў сусветным рэйтынгу, яе саперніца — 23-я.
Верагодна, Вікторыя не паспела аднавіцца — у аўторак у яе быў цяжкі трохсэтавы паядынак з амерыканкай Амандай Анісімававай, які працягваўся больш за дзве гадзіны. Дагэтуль Кіз яна не прайгравала.
Напярэдадні на стадыі 1/16 фіналу з турнірам развіталася Аляксандра Сасновіч. 22 лютага ў 1/8 фіналу згуляе Арына Сабаленка, другая ракетка свету. Яе саперніца — Алена Астапенка (20) з Латвіі.
A lovely touch @Madison_Keys defeats Azarenka 6-2, 6-1 in Dubai before handing over some post-match duties to a ball kid #DDFTennis | @KindnessWinsFnd pic.twitter.com/y1tk0cRxDn
— wta (@WTA) February 22, 2023
