Баксёрам Беларусі і Расіі дазволяць выступаць на міжнародных турнірах
Баксёраў Беларусі і Расіі пусцяць на міжнародныя турніры/ pixabay.com, ілюстрацыйнае фота
Міжнародная асацыяцыя бокса дапусціла спартоўцаў Беларусі і Расіі да турніраў. Пра гэта паведамляецца на сайце арганізацыі.
Прадстаўнікі Беларусі і Расіі змогуць выступаць пад дзяржаўнымі сцягамі. Калі яны заваююць залатыя медалі, будуць гучаць дзяржаўныя гімны. Да спаборніцтваў дапусцяць таксама тэхнічных прадстаўнікоў з Беларусі і Расіі.
"IBA цвёрда перакананая, што палітыка не павінна мець ніякага ўплыву на спорт. Такім чынам, усім спартоўцам павінны быць прадастаўленыя роўныя ўмовы", — гаворыцца ў заяве IBA.
Рашэнне IBA набывае моц неадкладна.
Міжнародныя санкцыі супраць спартоўцаў Беларусі і Расіі былі ўведзеныя пасля пачатку расійскай агрэсіі ва Украіне. Вайна вядзецца ў тым ліку з беларускай тэрыторыі.
