Баскаў прыехаў у лагер мігрантаў каля мяжы з Польшчай на два дні

Імя Дзмітрыя Баскава часта згадваецца ў СМІ ў сувязі з гібеллю пратэстоўца Рамана Бандарэнкі. Побач з людзьмі, якія напалі на Бандарэнку, быў чалавек, вельмі падобны да тагачаснага старшыні Федэрацыі хакея Беларусі (крымінальная справа па факце смерці Рамана Бандарэнкі прыпыненая, а вінаватых "не знайшлі"). Гэты факт паўплываў на тое, што Беларусь пазбавілі права прымаць матчы чэмпіянату свету па хакеі, а Баскаў трапіў пад санкцыі Міжнароднага алімпійскага камітэта, быў вымушаны сысці з пасады старшыні федэрацыі. Аднак Аляксандр Лукашэнка зрабіў свайго адданага прыхільніка "сенатарам".