Байцы палка "Пагоня" перадалі з Украіны прывітанне Лукашэнку
Байцы беларускага палка "Пагоня" перадалі з Украіны прывітанне Аляксандру Лукашэнку. У кароткім відэароліку яны заявілі, што колюць дровы менавіта для яго. Добраахвотнікі абвінавачваюць Лукашэнку ў тым, што ён "аддаў Беларусь Пуціну".
"Пагоня" з вясны 2022-га існуе ў складзе Інтэрнацыянальнага легіёна Узброеных сіл Украіны. Падрыхтаваныя групы байцоў ваююць у складзе некалькіх украінскіх падраздзяленняў, у тым ліку ў Першай асобнай брыгадзе спецыяльнага прызначэння імя Багуна.
