Беларусь і Расія створаць камандны бункер, але дзе — невядома

Беларускія і расійскія вайскоўцы паспяхова ўзгаднілі ўсе пытанні стварэння адзінай сістэмы супрацьпаветранай абароны дзвюх краін, заявіў начальнік Генштабу Ўзброеных Сілаў Беларусі генерал-лейтэнант Сяргей Гурулёў. "Усе рашэнні прынятыя, усе дакументы па адзінай сістэме Супрацьпаветранай абароны ўзгодненыя", — сказаў ён.

Дарэчы, для кіраўніцтва адзінай сістэмай Супрацьпаветранай абароны створаць камандны бункер, але ў якой краіне ён будзе знаходзіцца, невядома, адзначае БЕЛТА.